Kiko ta DigiD?

Tin algun dato ku ta èkstra sensitivo pa privasidat. Datonan tokante bo salú, por ehèmpel. Bo ke tin e posibilidat pa wak òf kambia datonan asina online? E ora ei un kontrol di ID di un biaha so di bo pasport, reibeweis òf sédula ta nesesario. Asina bo por hasi ainda mas ku bo DigiD app.

Lesa kon bo ta agregá e kontrol di ID

Solamente organisashonnan ku outorisashon legal pa usa number di servisio na siudadano, ta hasi uso di DigiD. Ta organisashonnan di gobièrnu òf organisashonnan ku un funshon públiko, por ehèmpel:

• ministerio i munisipio
• fondo di penshun
• seguro di kuido médiko

Bo por regla mas i mas asuntu ku gobièrnu di forma digital, por ehèmpel deklarashon di impuesto òf supsidio di hür. Bo ke yudansa ku esaki òf bo ke yuda un hende? E ora ei bo por duna un otro hende pèrmit pa esaki. Esaki ta posibel ku DigiD Outorisá.

Bo no tin nodi di duna bo datonan di log in di DigiD. E persona ku ta yuda bo, ta log in ku su propio DigiD. I e tin akseso solamente na datonan pa kua bo a duna pèrmit.

Lesa mas tokante DigiD Outorisá

Bo ta biba na Boneiru, Sint Eustatius, Saba, òf den eksterior? I bo tin un BSN? E ora ei bo por apliká pa un DigiD. Bo ta bai muda for di Hulanda Oropeo pasa frontera i promé ku esei bo tabatin un DigiD kaba? E ora ei bo por sigui usa esei normalmente. 

Lesa mas tokante apliká pa DigiD na Hulanda Karibense òf den eksterior.