E DigiD app ta e manera di mas fásil pa log in seif. Bo no tin nodi di kòrda un password kompliká mas. Solamente un PIN ku bo mes ta skohe.
Den e app bo por regla tur sorto di kos pa bo DigiD. Manera kambio di bo adrès di e-mail òf di e konfigurashon di idioma. Bo por usa e app riba un máksimo di 5 diferente aparato.
E manera ku bo por aktivá bo app, ta dependé di bo kuenta di DigiD. Por ehèmpel si a agregá bo number di telefòn na DigiD i bo tipo di aparato mobil. E DigiD app outomátikamente ta mustra e opshonnan ku bo por usa. Habri e DigiD app i tuma e pasonan indiká den e app.
Bo tin un DigiD app aktivá kaba? Bo por usa esaki e ora ei pa aktivá e DigiD app riba un otro aparato tambe. Habri e app no aktivá i primi riba Siguiente. Primi riba e link ‘Log in ku e DigiD app riba un otro aparato’ i tuma e pasonan indiká.
Bo ta biba den eksterior i bo tin un DigiD app aktivá kaba? Bo por usa esaki e ora ei pa aktivá e DigiD app riba un otro aparato tambe. Bo no tin un DigiD app aktivá ainda? E ora ei bo por aktivá e DigiD app via un kontrol di ID òf ku un kódigo di sms.
Tin mas i mas organisashon ku ta eksigí pa bo agregá un kontrol di ID na bo DigiD. Via e kontrol di ID nan tin mas seguridat ku nan ta kompartí e datonan ku e persona korekto.
Bo ta agregá un kontrol di ID? E ora ei bo por hasi mas ku bo DigiD app. Manera kontrolá òf kambia datonan èkstra sensitivo pa privasidat. Esakinan ta por ehèmpel datonan tokante bo salú. Bo por agregá un kontrol di ID solamente ku bo DigiD app.
Wak e video di instrukshon agregá kontrol di ID
Pa esaki bo tin mester di un smartphone ku lesadó NFC. Bo mes no tin un smartphone ku lesadó NFC? E ora ei un otro hende ku sí tin un smartphone ku lesadó NFC por yuda bo.
Bo ke log in ku e app? Riba bo telefòn òf kòmpiuter, bishitá e wèpsait ku bo ke regla asuntu online riba dje, por ehèmpel bo munisipio. Klek riba log in ku e DigiD app.
Bo ta preferá lesa kon bo por log in ku e DigiD app? Skohe e ora ei entre e linknan akibou. Mi ta log in ku e DigiD app riba:
Purba ku e siguiente solushonnan:
Bo tin un aparato Android? Kontrolá si e sertifikado Staat der Nederlanden Root CA den bo aparato ta sendé. Bai Konfigurashonnan > Biometria i seguridat > Otro konfigurashonnan di seguridat > Sertifikado.
E aktivashon ku sms òf e kontrol di ID no ta bai bon i bo ta biba den eksterior? Lástimamente, e ora ei bo mester apliká pa un DigiD nobo pa den eksterior.
Lesa mas tokante apliká pa DigiD ora bo ta biba den eksterior
Bo no ta logra agregá e kontrol di ID? E ora ei, kontrolá promé si e lesadó NFC riba bo telefòn òf tablet ta sendé.
Wak e video di instrukshon agregá kontrol di ID
Bo mes no tin un smartphone ku lesadó NFC? E ora ei bo por agregá e kontrol di ID ku yudansa di un otro hende ku sí tin un smartphone ku lesadó NFC. Esaki ta bai via e app Check-ID.
Lesa kon bo ta agregá e kontrol di ID ku yudansa di un otro persona
Bo ta hasi uso di un Samsung S9 òf S9+? Sòru e ora ei pa e bateria di bo aparato ta kargá pa por lo ménos 70%. E lesadó NFC no ta traha ora bo telefòn ta den e posishon di spar energia.
Bo ta hasi uso di un Apple? Pone bo komprobante di ID na e banda patras i e banda ariba di e aparato. Esaki no ta bai bon? Sera e app i purba di nobo.
Bo no por skèn e kódigo QR? Bo por solushoná esaki di e siguiente maneranan:
Bo tin un aparato Android? Rekonfigurá e konfigurashonnan di kámara di nobo:
Bo ta hasi uso di Edge òf Chrome, i e kódigo QR ta mustra diferente for di normal?
E DigiD app no ta habri outomátikamente den tur browser mobil. Esaki por ta e kousa ku riba bo aparato Android bo no por haña e notifikashon di eror DigiD app no ta habri. Hasi uso di e siguiente browsernan:
Ainda bo ta subi e pantaya di log in di DigiD via e ‘Internet app’ instalá adelantá di Samsung? Hasi lo siguiente e ora ei:
Bo ta haña e notifikashon ketu bai? Log in ku bo nòmber di usuario i bo password e ora ei.
Ora bo log in riba bo selular, e DigiD app mester habri outomátikamente. Por sosodé ku ta pidi bo pa introdusí e kódigo pa konektá. Esaki ta pa motibu di e konfigurashonnan di bo browser. E ora ei bo browser ta konfigurá komo desktopsite (sitio riba desktop).
E DigiD app no semper ta traha bon den tur browser. P’esei usa un di e siguiente browsernan:
No hasi uso di un shortcut. Un shortcut ta un piktograma riba bo desktop/pantaya di start pa haña akseso lihé na un wèpsait.
Semper habri un browser riba bo telefòn promé i despues bai e wèpsait ku bo ke log in riba dje ku DigiD.
Awor bo por aktivá e app di nobo i skohe un PIN nobo. Despues di esaki e PIN ku bo a skohe promé no ta bálido mas.
Bo por aktivá e app riba un máksimo di 5 diferente aparato. Bo a aktivá e DigiD app riba 5 aparato kaba? E ora ei bo mester desaktivá e app riba 1 di e aparatonan aki.
Bo por aktivá e DigiD app riba un aparato nobo.
Bo ta haña e notifikashon di eror ‘No por hasi konekshon ku DigiD’ òf ‘A surgi un eror deskonosí’? Purba lo siguiente e ora ei:
Bo tin un iPhone? Kontrolá e ora ei si e datonan mobil ta sendé.
Bo no tabata aktivo pa 15 minüt òf mas? E ora ei bo por wak e notifikashon ‘Lástimamente bo no por sigui’. Tin biaha, e konfigurashonnan riba bo kòmpiuter òf bo aparato mobil ta mustra e notifikashon aki eróneamente.
