Kontrol di sms

Wak e video Apliká pa kontrol di sms den Mi DigiD 

Lesa kiko bo mester hasi

Bo ta preferá lesa kiko bo mester hasi? Skohe entre e linknan akibou. Mi ke apliká pa kontrol di sms via:

• DigiD app
• wèpsait i karta

Bo a apliká pa bo DigiD, òf bo a apliká pa kontrol di sms? E ora ei, denter di 3 dia di trabou bo ta risibí un karta ku un kódigo di aktivashon. Kopia e kódigo aki literalmente for di e karta. E kódigo di aktivashon semper ta kuminsá ku un ‘A’. 

Yena e kódigo di aktivashon

No tin DigiD ainda

Bo no tin DigiD ainda? E ora ei apliká pa un DigiD promé.

Lesa mas tokante apliká pa un DigiD

Bo a aktivá un DigiD i kontrol di sms? E ora ei bo por konfigurá sms verbal.

• Log in riba Mi DigiD.
• Bou di Ku nòmber di usuario i password, skohe Mas detaye.
• Klek riba Sende sms verbal.
• Selektá Mi ke risibí aviso verbal via sms.
• Klek riba Warda.

Di awor padilanti lo bo risibí yamada outomátikamente i e kódigo via sms ta verbal. E kódigo aki ta bálido durante 15 minüt. Semper usa e último kódigo ku a manda.

Videonan di instrukshon

• Wak e video kambia number di telefòn den Mi DigiD
• Wak e video kambia number di telefòn sin number bieu i sin DigiD app

Lesa kiko bo mester hasi

Bo ta preferá lesa kon bo por kambia bo number di telefòn? Skohe e ora ei entre e linknan akibou. Mi ke kambia mi number di telefòn via:

• number di telefòn bieu
• DigiD app
• karta

Den Mi DigiD bo por wak si Semper log in den 2 paso ta sendé. Bo no tin e app di DigiD ainda? Download esaki e ora ei i aktiv’é ku e kontrol di ID.

Lesa mas tokante e DigiD app

1. Ga naar de website waar u met uw DigiD wilt inloggen.
2. Voer uw gebruikersnaam en wachtwoord in.
3. Klik op ‘Inloggen’.
4. U ontvangt een 6-cijferige sms-code op uw telefoon.
5. Voer de 6-cijferige sms-code in en klik op ‘Volgende’.
6. U bent nu ingelogd.

Kisas bo a yena un kódigo di kontrol robes. 

• Kódigo via e-mail: e kódigo aki semper ta kuminsá ku un ‘E’.
• Kódigo via sms: e kódigo aki ta konsistí di 6 sifra.
• Kódigo di aktivashon: kopia e kódigo aki literalmente for di e karta ku bo ta risibí di DigiD. E kódigo aki semper ta kuminsá ku un ‘A’.

Bo no ta haña un kódigo di sms pa DigiD? Por tin diferente motibu pa esaki.

No a konfigurá kontrol di sms

Bo no a konfigurá kontrol di sms riba bo DigiD.

Number di telefòn robes den DigiD

Bo a agregá un number di telefòn ku a kaduká òf un number robes na bo DigiD.Kontrolá e number di telefòn ora di log in. E pantaya di log in ta mustra e último 3 sifranan di e number di telefòn.

Bo no por risibí avisonan di servisio

• Kontrolá si bo telefòn (selular) tin sufisiente alkanse.
• Eventualmente, deskonektá bo telefòn (selular) un ratu.
• Bolbe sende bo telefòn (selular), di moda ku esaki ta bolbe hasi kontakto ku e ret selular di bo distribuidó di telefòn.
• Bai un lugá kaminda sí bo tin sufisiente alkanse.

Wak riba e wèpsait di bo distribuidó di telefòn si tin interupshon. Esaki no ta yuda? Tuma kontakto ku bo distribuidó di telefòn. Tambe duna e fecha i e momentu ku mester a risibí e kódigo di sms. E ora ei bo distribuidó di telefòn por hasi investigashon dirigí. Tambe tuma kontakto ku bo distribuidó di telefòn si bo a kaba di kambia di distribuidó di telefòn.

Risibí yamada

Te ainda no ta bai bon?

• Den e pantaya di log in di DigiD, skohe No a risibí kódigo.
• Skohe Yama mi ku un sms verbal.

E ora ei lo yama bo ku un sms verbal. Hopi biaha esaki sí ta traha. 

No por tende

Bo no por tende e sms verbal? Kontrolá si a aktivá e sms verbal den ‘Mi DigiD’.  No a aktivé? E ora ei, bo distribuidó di telefòn ta lesa e mensahenan di sms outomátikamente. P’esei no por tende e kódigo bon.

Muchu tiki sifra

Un kódigo di sms verbal di DigiD semper ta konsistí di 6 sifra. Bo ta risibí un kódigo di sms verbal ku ménos ku 6 sifra? E ora ei bo voicemail ta sendé.

Den kaso di un sms verbal, un sistema outomatisá ta yama bo i ta lesa e kódigo di sms. E sistema aki no ta wak si bo voicemail ta sendé, sí òf nò. Ora tin un konekshon telefóniko, e sistema mesora ta kuminsá lesa e kódigo di sms. P’esei bo ta tende solamente e último sifranan di e kódigo.

Lubidá nòmber di usuario

Bo a lubidá bo nòmber di usuario òf bo ke kambia bo nòmber di usuario? Si bo ta hasi uso kaba di e DigiD app, bo por log in ku e app den Mi DigiD. Aki bo por buska bo nòmber di usuario. Si bo no tin un DigiD app aktivá, bo mester apliká pa un DigiD nobo. E ora ei bo ta haña un nòmber di usuario nobo. Pues kòrda esaki bon.

Kambia nòmber di usuario

No ta posibel pa kambia bo nòmber di usuario. 

Paga tinu: bo nòmber di usuario ta privá. P’esei e hèlpdèsk no por buska esaki pa bo. 

DigiD no aktivá

Bo a lubidá bo password i bo no a aktivá bo DigiD ainda? E ora ei, lástimamente bo mester apliká pa un DigiD nobo.

Apliká pa un DigiD nobo

DigiD aktivá 

Videonan: 

• Wak e video di rekuperá password via e-mail i sms
• Wak e video di rekuperá password via karta

Bo ta preferá lesa kiko bo mester hasi? Skohe entre e linknan akibou. Bo por rekuperá bo password via:

• e DigiD app (aktivá)
• e-mail í sms (a agregá bo adrès di e-mail i bo number di telefòn na bo DigiD)d)
• karta