ID

Den futuro, log in ku bo sédula òf reibeweis hulandes ta duna akseso na datonan personal ku ta èkstra sensitivo. Asina bo datonan tin e protekshon máksimo.

Organisashonnan ku ta atministrá e datonan sensitivo aki ke ta sigur ku nan ta kompartí e datonan ku e persona korekto. Log in ku bo sédula òf reibeweis ku un PIN personal ta duna e seguridat èkstra ei.

Paga tinu, log in ku ID no ta meskos ku. Log in ku kontrol di ID den e DigiD app.

Kiko mi mester?

Sédula hulandes (fecha di emishon for di 13 di mart 2021) òf reibeweis hulandes (fecha di emishon for di 26 di mei 2018)
PIN di bo ID
DigiD app (aktivá)

Un aparato mobil:

aparato Android ku lesadó NFC (Vershon Android 9 òf mas haltu)
iPhone, modèl 7 òf mas haltu (vershon iOS 14)

Paga tinu; bo ta biba na Boneiru, Sint Eustatius, Saba, òf den eksterior? E ora ei bo no por haña un reibeweis ku un funshon di log in. Esaki ta posibel solamente ora bo buska bo reibeweis serka un munisipio na Hulanda Oropeo.

Kon e ta traha?

Aktivá un funshon di log in di ID

Bo a buska bo sédula nobo òf bo reibeweis nobo? E ora ei outomátikamente, denter di 5 dia di trabou bo ta risibí un karta di DigiD ku un PIN. Ku esaki bo por aktivá log in ku bo dokumento di identifikashon. Bo ke lesa paso pa paso kiko bo mester hasi pa esaki? Skohe un di e plannan den fase akibou e ora ei.

Bo por log in di diferente manera ku bo ID. Via:

No ta warda dato

Durante log in, e DigiD app ta skèn e datonan di e chip riba e ID. Asina DigiD ta kontrolá si e dokumento ta di bo i si e ta bálido. No ta warda datonan.

No ta bai bon

Aktivá funshon di log in ID no ta bai bon

Notifikashon di eror

Ta posibel ku durante aktivashon di e funshon di log in, bo ta haña un di e siguiente notifikashonnan di eror:

A surgi un eror di server interno
Aktivashon a bai robes, purba di nobo
Aktivashon ta nesesario, aktivá log in ku ID den Mi DigiD
A surgi un eror inesperá

Tuma kontakto e ora ei ku e hèlpdèsk di DigiD.

No a risibí karta, a pèrdè e karta òf no por lesa e PIN

Bo no a risibí un karta ku un PIN, bo a pèrdè e karta, òf bo no por lesa e PIN den e karta? E ora ei, denter di 6 siman despues di entrega di bo ID, bo por apliká pa un kopia di e karta original. Tuma kontakto pa esaki ku e Hèlpdèsk di DigiD.

Paga tinu! Esaki no ta posibel for di Boneiru, Sint Eustatius, Saba, òf for di eksterior. Einan bo no por risibí e karta aki.

Reibeweis emití entre 26 di mei 2018 i promé di yüli 2023

E uso di e funshon di log in den bo reibeweis ta kosta 3,50 euro. Promé ku promé di yüli 2023, ainda no tabata posibel pa log in ku bo reibeweis. P’esei, ora di buska bo reibeweis no tabata na nodi pa paga e suma aki. P’esei bo no a risibí un karta tampoko e tempu ei.

Bo ke por log in ku bo reibeweis?E ora ei, ainda bo mester paga RDW un biaha so 3,50 euro. Esaki ta e gastunan pa e funshon di log in.

Log in riba Mi DigiD i bai ID.
Skohe pa ‘Mas detaye’ bou di ‘Bo reibeweis’.
Klek despues riba ‘Apliká pa PIN (atrobe)’ i sigui e pasonan.

Despues ku bo a paga RDW, bo ta haña un karta ku un PIN. Esaki bo por usa pa aktivá e funshon di log in.

E gastunan pa e funshon di log in ku reibeweis

For di promé di yüli 2023, bo ta paga e suma aki outomátikamente ora di apliká pa bo reibeweis.Log in ku reibeweis ainda no ta obligatorio niun kaminda na Hulanda.

main.content

ID