Bo ta biba na Boneiru, Sint Eustatius, Saba, òf den eksterior? I bo tin un number di servisio pa siudadano (BSN)? E ora ei bo por apliká pa un DigiD.
Bo tabatin un DigiD kaba i bo a muda pa Boneiru, Saba, Sint Eustatius, òf pa eksterior? E ora ei bo por sigui usa esei normalmente.
Formulario di aplikashon ora bo ta biba na Hulanda Karibense òf den eksterior
Apliká pa DigiD ora bo ta bai haña AOW (pronto)
Bo ta biba na Hulanda Oropeo ainda i bo ta bai muda pa Hulanda Karibense òf pa eksterior pronto? E ora ei, regla lo siguiente promé ku bo salida:
Ta mas fásil pa regla esaki ora bo ta biba na Hulanda Oropeo ainda. E ora ei bo ta sigur ku bo DigiD ta traha despues di bo mudansa tambe. E ora ei bo por sigui regla asuntu online normalmente ku gobièrnu hulandes, kuido, enseñansa, òf bo fondo di penshun.
Na Hulanda Karibense i den eksterior bo por apliká pa un DigiD di 2 manera:
Den eksterior bo por apliká pa un DigiD na 2 manera:
Bo a yena e formulario di aplikashon? E ora ei bo ta risibí un kódigo di bali via sms i e-mail. Ku esaki bo por buska un kódigo di aktivashon. Esaki ta posibel dor di pasa na un bali di DigiD òf dor di hasi un yamada di video.
Ku bo kódigo di bali di servisio, bo por pasa denter di 30 dia serka un di e balinan di DigiD pa buska bo kódigo di aktivashon. Bini na e bali ku lo siguiente:
P’esei, traha un sita na e bali ku bo a skohe promé ku bo apliká pa un DigiD.
Wak e lista di bali di DigiD riba Nederland Wereldwijd
Bo por risibí bo kódigo di aktivashon via un yamada di video ku Nederland Wereldwijd.Bo mester traha un sita pa esaki promé.
Wak e lista di bali di DigiD riba Nederland Wereldwijd
Bo ta biba den eksterior i bo ta risibí AOW kaba? Òf bo tin un karta di SVB ku ta bisa ku ta bai paga bo bo promé AOW? E ora ei bo por apliká pa un DigiD via Banko di Seguro Sosial. Bo ta risibí e karta ku e kódigo di aktivashon riba bo adrès di kas na Hulanda Karibense òf den eksterior.
Bo ta biba na Hulanda Karibense òf den eksterior i bo tin un DigiD? E ora ei bo por aktivá e DigiD app di dos manera:
Tin informashon tokante DigiD optenibel na franses i spañó tambe riba e wèpsait di Nederland Wereldwijd.
Bo por usa e medio di log in nashonal di e pais oropeo ku bo ta biba den dje na e momentu aki tambe. Pasobra paisnan na Oropa mester hasi kada bes mas servisionan aksesibel di forma digital pa medionan di log in for di otro paisnan oropeo.
E pregunta si bo por hasi esei tambe, ta dependé di e pais ku bo ta biba aden i serka kua organisashon bo ke log in. Tambe, pa mayoria organisashon bo mester tin un number di servisio na siudadano pa por log in.
Bo ke sa for di kua pais i serka kua organisashon bo ke log in? Wak e ora ei riba e wèpsait di Rijksoverheid.nl
No ta obligatorio pa regla bo asuntunan online via DigiD òf un método di eksterior pa log in. Kisas bo por regla bo asuntunan di un otro manera. Puntra e organisashon ku bo tin di haber kuné.
