Apliká pa DigiD

Bo no tin un adrès residensial fiho? I bo no ta inskribí den e Base di Datonan Personal (BRP)? Por ehèmpel pasobra bo ta biba den un institushon di kuido, un refugio pa hende muhé òf den un vehíkulo. E ora ei kisas tòg bo por apliká pa un DigiD. Por ehèmpel via un adrès postal. Tuma kontakto ku bo munisipio pa esaki.

Inskripshon den Base di Datonan Personal (BRP)

Bo ta biba legalmente na Hulanda? E ora ei un inskripshon den e Base di Datonan Personal ta obligatorio. Esaki ta nifiká ku bo ta inskribí serka un munisipio riba un adrès residensial òf riba un adrès postal.

Lesa mas tokante e BRP riba Rijksoverheid.nl

Adrès postal

Un adrès postal ta un adrès ku bo ta risibí pòst di gobièrnu riba dje. Esaki mester ta un adrès eksistente di un persona òf un instituto. Esaki ta e dunadó di adrès postal. E dunadó di adrès postal aki mester sòru pa bo haña bo pòst di gobièrnu. Esaki ta por ehèmpel un formulario di impuesto, un karchi di voto, òf un dagfar.

Lesa mas tokante e adrès postal riba Rijksoverheid.nl

Formulario di aplikashon pa DigiD

• Primi riba e boton òf bishitá digid.nl/aanvragen
• Yena bo number di servisio na siudadano, fecha di nasementu, kódigo postal i number di kas
• Skohe un nòmber di usuario i un password.

• Yena un number di telefòn ku bo por risibí sms riba dje
• Yena bo adrès di e-mail.

Denter di 5 dia di trabou bo ta risibí un karta ku un kódigo di aktivashon riba e adrès ku bo ta inskribí riba dje.

Bo ta biba na Boneiru, Sint Eustatius, Saba, òf den eksterior? I bo tin un number di servisio pa siudadano (BSN)? E ora ei bo por apliká pa un DigiD via e formulario di aplikashon pa DigiD.

Lesa mas tokante apliká pa un DigiD ora bo ta biba na Hulanda Karibense òf den eksterior.

Bou di 14 aña

Bo yu ta bou di 14 aña? E ora ei abo komo mayor òf tutor por yuda bo yu pa apliká pa i usa e DigiD. Bo por apliká pa un DigiD pa bo yu via e formulario di aplikashon. Ora di hasi e aplikashon, yena e datonan di bo yu.

Apliká pa DigiD pa bo yu

DigiD ta manda e karta ku e kódigo di aktivashon riba nòmber di bo yu, i riba e adrès ku bo yu ta inskribí riba dje. Asina DigiD ta kontrolá identidat di bo yu. No ta posibel pa kambia e adrès.

14 aña òf mas

Bo yu tin 14 aña òf mas? E ora ei bo yu mes mester apliká pa i usa un DigiD. Pasobra di 14 aña bai ariba, DigiD ta estriktamente personal. Bo yu por apliká pa DigiD via e wèpsait.

Bo no ta haña un kódigo di sms pa DigiD? Por tin diferente motibu pa esaki.

No a konfigurá kontrol di sms

Bo no a konfigurá kontrol di sms riba bo DigiD.

Number di telefòn robes den DigiD

Bo a agregá un number di telefòn ku a kaduká òf un number robes na bo DigiD.Kontrolá e number di telefòn ora di log in. E pantaya di log in ta mustra e último 3 sifranan di e number di telefòn.

Bo no por risibí avisonan di servisio

• Kontrolá si bo telefòn (selular) tin sufisiente alkanse.
• Eventualmente, deskonektá bo telefòn (selular) un ratu.
• Bolbe sende bo telefòn (selular), di moda ku esaki ta bolbe hasi kontakto ku e ret selular di bo distribuidó di telefòn.
• Bai un lugá kaminda sí bo tin sufisiente alkanse.

Wak riba e wèpsait di bo distribuidó di telefòn si tin interupshon. Esaki no ta yuda? Tuma kontakto ku bo distribuidó di telefòn. Tambe duna e fecha i e momentu ku mester a risibí e kódigo di sms. E ora ei bo distribuidó di telefòn por hasi investigashon dirigí. Tambe tuma kontakto ku bo distribuidó di telefòn si bo a kaba di kambia di distribuidó di telefòn.

Risibí yamada

Te ainda no ta bai bon?

• Den e pantaya di log in di DigiD, skohe No a risibí kódigo.
• Skohe Yama mi ku un sms verbal.

E ora ei lo yama bo ku un sms verbal. Hopi biaha esaki sí ta traha. 

Bo no a risibí un e-mail ku e kódigo di kontrol? Por tin diferente motibu pa esaki.

• e adrès di e-mail ku a duna no ta klòp
• e kódigo di kontrol ta den bo map di spam
• e konfigurashonnan di spam ta blòkia e e-mail
• interupshon serka bo suministradó di e-mail

No tin un motibu kla? E ora ei, salta introdukshon di bo adrès di e-mail durante bo aplikashon. Primi riba ‘Salta kontrol’ pa esaki. Bo por agregá bo adrès di e-mail na un momentu despues si bo ke.

Kisas bo a yena un kódigo di kontrol robes. 

• Kódigo via e-mail: e kódigo aki semper ta kuminsá ku un ‘E’.
• Kódigo via sms: e kódigo aki ta konsistí di 6 sifra.
• Kódigo di aktivashon: kopia e kódigo aki literalmente for di e karta ku bo ta risibí di DigiD. E kódigo aki semper ta kuminsá ku un ‘A’.

No por tende

Bo no por tende e sms verbal? Kontrolá si a aktivá e sms verbal den ‘Mi DigiD’.  No a aktivé? E ora ei, bo distribuidó di telefòn ta lesa e mensahenan di sms outomátikamente. P’esei no por tende e kódigo bon.

Muchu tiki sifra

Un kódigo di sms verbal di DigiD semper ta konsistí di 6 sifra. Bo ta risibí un kódigo di sms verbal ku ménos ku 6 sifra? E ora ei bo voicemail ta sendé.

Den kaso di un sms verbal, un sistema outomatisá ta yama bo i ta lesa e kódigo di sms. E sistema aki no ta wak si bo voicemail ta sendé, sí òf nò. Ora tin un konekshon telefóniko, e sistema mesora ta kuminsá lesa e kódigo di sms. P’esei bo ta tende solamente e último sifranan di e kódigo.