Bo ke yudansa ku regla asuntu ku gobièrnu, por ehèmpel ku deklarashon di impuesto òf supsidio di hür? E ora ei bo por duna un otro hende pèrmit pa esaki. Por hasi esaki ku DigiD Outorisá.
Bo ta duna un hende pèrmit (un outorisashon) pa un tarea spesífiko, por ehèmpel un deklarashon di impuesto. I pa un periodo definí, por ehèmpel un aña. Pues e persona ku bo ta outorisá tin akseso na e datonan spesífiko aki solamente pa e periodo ei.
Bo ke pa un otro hende regla bo asuntunan? Apliká pa un kódigo di outorisashon pa e persona aki e ora ei.
Apliká pa un kódigo di outorisashon
Bo a risibí un kódigo di outorisashon? Tuma kontakto e ora ei ku e persona ku ta bai yuda bo. Duna e persona ei e siguiente datonan di bo:
Bo no tin DigiD? Bo por outorisá un otro hende tambe dor di yama e Hèlpdèsk di DigiD. Bo ta risibí e kódigo di outorisashon despues via un karta riba e adrès ku bo ta registrá riba dje den e Base di Datonan Personal (BRP).
Bo sa kaba ken bo ke outorisá? E ora ei bo por pidi e persona ei tambe pa apliká pa e kódigo di outorisashon pa bo via outorisá.digid.nl.
Bo ke regla asuntu pa un otro hende? Bo mes apliká pa un kódigo di outorisashon e ora ei. Esaki ta fásil ora e persona ku bo ke yuda no por hasi esaki e mes. Kiko bo mester?
Lo manda e kódigo di outorisashon ku a apliká p’e ku pòst pa e adrès di kas di e persona pa ken bo ta bai regla asuntu. Pues e persona ei mester duna bo e kódigo personalmente.
Bo ke yudansa ku reglamentu di bo asuntunan di forma digital i bo a risibí un kódigo di outorisashon? Duna e kódigo aki i bo number di servisio na siudadano (BSN) e ora ei na e persona ku ta bai yuda bo.
Bo ke yuda un hende i bo a risibí un kódigo di outorisashon i e number di servisio na siudadano (BSN) di e persona ei? E ora ei bo por aktivá e outorisashon ku e kódigo aki. Log in ku bo DigiD i introdusí e kódigo i e number di servisio na siudadano di e persona ku ta bai yuda bo.
Introdusí e kódigo di outorisashon riba e wèpsait DigiD Outorisá
Bo ke wak kua outorisashonnan bo tin? Bo por wak nan via Mi outorisashonnan. Aki bo por para outorisashonnan tambe dor di skohe ‘Revoká Outorisashon’. Bo no por usa e outorisashon mas despues di esei.
Bo por wak i adaptá e fecha final di bo outorisashon via Mi outorisashonnan. Bo por log in aki ku bo propio DigiD, eHerkenning (e DigiD komersial) òf un medio di log in oropeo aseptá. E fecha final di bo outorisashon ta aserkando? Akibou nos ta splika kiko bo por hasi.
Ora un otro hende ta regla asuntu pa bo:
Bo mes por ekstendé bo outorisashon via Mi outorisashonnan. Hasi esaki dor di adaptá e fecha final di e outorisashon.
Ora bo ta regla asuntu pa un otro hende:
E ora ei bo por revoká e outorisashon aktivo i apliká pa un outorisashon nobo.
Bo no por òf bo no ke log in? Yama e DigiD hèlpdèsk e ora ei via e number di telefòn 088 123 65 55.
Bo por kontrolá bo outorisashon via Mi outorisashonnan. Bo por log in aki ku bo propio DigiD, eHerkenning (e DigiD komersial) òf un medio di log in oropeo aseptá. Wak si e outorisashon ta aktivo. E outorisashon ta bou di e título ‘Kaduká’? E ora ei no por usa e outorisashon mas. Apliká pa un outorisashon nobo e ora ei.
Bo no por òf no ke log in? Yama e DigiD hèlpdèsk e ora ei via e number di telefòn 088 123 65 55.
