kontenidonabegashonbuska

main.content

Rekonosé un aviso falsu

E-mail falsu, aviso di sms òf karta ku un link robes kada bes ta parse mas real. Asina estafadónan ta purba haña bo datonan di log in di DigiD òf bo datonan di banko. Esaki yama phishing.

Bo a klek riba un link den un aviso falsu, òf a skèn un kódigo QR den un karta i yena bo datonan? Wak e ora ei riba e página Froude òf mal uso kiko ta e pasonan ku bo mester pasa dor di dje.

Karakterístikanan di un aviso falsu

  • Un mensahe ku ta lanta miedu den bo. Por ehèmpel, bo mester paga mesora, sino ta para bo kuenta.
  • Tin un link òf un kódigo QR den e aviso.
  • E aviso ta den bo mailbox di spam.
  • E ta skibí den mal hulandes.

Bishitá ehèmpelnan aktual di avisonan falsu riba e wèpsait di e Hèlpdèsk kontra froude.

Paga tinu, DigiD nunka ta manda bo aviso ku un link òf un kódigo QR. Tòg bo ta wak un link òf un kódigo QR den un aviso ku ta parse di bin di DigiD? No skèn e kódigo QR i no klek riba e link.

Pone DigiD na altura di e e-mail, sms òf karta falsu

Bo a risibí un e-mail, sms òf karta falsu i bo a warda e aviso? Manda e aviso pa DigiD e ora ei. Kisas e wèpsait di phishing ainda no ta konosí pa nos. Nos lo laga saka e wèpsait for di aire mas pronto posibel.

Manda aviso falsu pa DigiD: bo por manda e e-mail òf un potrèt di e sms òf e karta pa valse-email@digid.nl.

Bo a manda e aviso pa nos? Elimin’é for di bo inbox e ora ei i for di bo prùlebak. Bo ta na duda si e aviso ta falsu? Tuma kontakto e ora ei ku nos Hèlpdèsk. 

Bo ke sa mas tokante e-mail, aviso di sms òf karta falsu? Wak riba e wèpsait di e Hèlpdèsk kontra froude. 

Aviso di kambio di DigiD

DigiD ta manda bo un aviso outomátiko ora tin algu ku ta kambia den bo kuenta. Por ehèmpel den kaso di un aplikashon, aktivashon di e app, un kambio, òf ora bo DigiD kaduká despues di 3 aña. Asina nos ta kontrolá si ta bo mes a hasi e kambio i no un otro hende. 

Paga tinu, kolaboradónan di DigiD nunka ta pidi bo pa bo datonan di log in.

Bo mes no a kambia nada, pero tòg bo ta haña un aviso? Kontrolá e ora ei si ta usando bo adrès di e-mail pa e DigiD di un miembro di famia, por ehèmpel. Kisas e persona ei a kambia algu den su kuenta di DigiD.

Bo ta kere ku un hende a kambia algu den bo kuenta di DigiD sin bo pèrmit? Tuma kontakto e ora ei ku nos Hèlpdèsk.