Tepnan tokante log in seif

Semper kontrolá promé si e URL (e adrès di e wèpsait) ta di DigiD. Hasi esaki semper promé ku bo purba log in òf yena dato. Bo por wak e URL den e balki di adrès di bo browser.

URL Korekto: 

Bo ta wak señal raro òf palabra straño den e URL? Klik kita e wèpsait e ora ei.

• No usa informashon personal: no usa informashon personal manera bo nòmber òf bo fecha di nasementu den bo password. Esaki ta hasié mas fásil pa otronan adiviná bo password.
• Un password largu: krea un password di minimalmente 8 señal.
• Kambia regularmente: kambia bo password dos biaha pa aña. 

Tep pa password fuerte 

• Usa un frase ku bo por kòrda i usa e promé lèter di kada palabra den e frase ei.

Por ehèmpel: Mi ta krea un password kompliká, difísil pa adiviná pa DigiD. E password e ora ei ta: ‘Mtkupk,dpapDD’

Nunka duna otronan e PIN di bo DigiD app i bo datonan di log in di DigiD. Sea kuidadoso ora bo yena bo datonan di log in den un lugá públiko, por ehèmpel un biblioteka. Wak rònt di bo un ratu i sòru ku no tin niun hende ta wak huntu ku bo. 

Semper update bo kòmpiuter i bo telefòn mesora ora tin un update disponibel. E ora ei bo tin chèns di mas chikí riba vírus. Un vírus ta hasi uso di vulnerabilidat den vershonnan mas bieu di programa i sistema operativo. Bo ta usa un vershon ku no ta aktualisá? E ora ei bo ta kore mas riesgo.

Un scanner di vírus ta kontrolá bo kòmpiuter i ta indiká ora e no ta seif. P’esei, usa e scanner di vírus regularmente. I pa e scanner di vírus tambe ta konta: update e mesora.

Retnan di wifi habrí ta retnan ku no ta sigurá ku un password. Esakinan ta retnan riba un terasa, por ehèmpel. Riba e tipo di retnan aki ta muchu mas fásil pa kibra drenta den un kòmpiuter òf un telefòn. Tambe ora bo no ta usa DigiD ta mas seif pa evitá retnan di wifi habrí.