Privasidat

E Minister di Asuntunan Interno i Relashon den Reino ta responsabel pa prosesamentu di datonan personal pa DigiD. Logius ta ehekutá e maneho di DigiD. Logius ta parti di e Ministerio di Asuntunan Interno i Relashon den Reino i ta atministrá fasilidatnan di ICT den henter gobièrnu.  

DigiD tin diferente meta pa prosesá datonan personal, esta den kaso di:

• aplikashon i/òf aktivashon di DigiD
• uso di DigiD
• fasilitá datonan personal na organisashonnan (gubernamental) ku ta usa DigiD, ora un usuario ta pidi akseso digital na un wèpsait, portal òf app sigurá ku DigiD
• prosesamentu di datonan personal relashoná ku kuida seguridat (di informashon) i konfiabilidat di DigiD i análisis di insidentenan (di seguridat)
• kuida seguridat di e informashon i konfiabilidat di DigiD, manera kombate di mal uso i uso indebido di DigiD i análisis di insidentenan (di seguridat)
• sosten di usuario manera atendé ku pregunta, problema i keho
• fasilitá datonan personal a base di un obligashon hurídiko  

DigiD konosé vários manera pa log in, esta ku: 

• nòmber di usuario i password, eventualmente kompletá ku kontrol di sms
• DigiD app ku PIN, eventualmente kompletá ku kontrol di ID
• ID ku PIN

E base pa prosesamentu di dato personal ta e Besluit digitale overheid (Desishon gobièrnu digital), ku ta basá riba e Wet Digitale overheid (Lei Gobièrnu Digital).

Ora di un aplikashon pa un DigiD tin prosesamentu di e siguiente datonan personal:

• number di servisio pa siudadano
• nòmber
• adrès
• kódigo postal
• lugá di biba
• fecha di nasementu
• datonan pa por establesé residensia di e petishonario, sí òf nò
• number di telefòn i adrès di e-mail di e petishonario (opshonal)

Ora di apliká pa un DigiD for di Boneiru, Sint Eustatius, Saba, òf for di eksterior, e number di telefòn i e adrès di e-mail ta obligatorio. Otorgamentu di un DigiD na Boneiru, Sint Eustatius, Saba, òf den eksterior ta tuma lugá via un bali di servisio di DigiD òf online dor di hasi yamada di video ku Nederland Wereldwijd.  

Log in ku DigiD

Ora ku hasi uso di DigiD, e siguiente datonan (sin wak e método di log in) lo ta prosesá:

• e number di servisio na siudadano
• adrès IP i karakterístikanan di e software i hardware ku a usa (entre otro agente di usuario, sistema operashonal, nòmber di aparato i kódigo di app) di e aparato ku a usa 

Método di log in ku nòmber di usuario i password kompletá ku kódigo di SMS

Esaki ta e método di log in ku bo ta usa? E ora ei lo prosesá e siguiente datonan personal adishonal:

• nòmber di usuario i password
• number di telefòn (si e usuario a skohe DigiD ku kontrol di sms) 

Método di log in den e DigiD app

Esaki ta e método di log in ku bo ta usa? E ora ei lo prosesá e siguiente datonan personal adishonal:

• un yabi (digital) úniko riba e aparato mobil
• un PIN di 5 sifra di e usuario

A inkluí partinan di e DigiD app di Sentry pa motibu di funshonalidat di e sosten i e maneho a base di desaroyo di e app. Spesífikamente, esaki ta e partinan ku mester pa sosten tékniko i pa monitòr funshonamentu di e app, inkluso informashon ora e app ta crash. Lo no manda datonan personal pa Sentry ora esaki tuma lugá.

E parti di Google Firebase ta nesesario pa sosten tékniko di funshonalidat di e notifikashon di push riba e plataforma di Google. E usuario mes por duna pèrmit i/òf revoká esaki pa uso di e funshonalidat aki.  

Agregá kontrol di ID di un biaha so na e DigiD app (kontrol di ID)

E kontrol ta tuma lugá dor di lesa e chip riba e reibeweis, pasport òf sédula hulandes via e DigiD app ku yudansa di un lesadó NFC riba bo aparato mobil. Pa kompletá e datonan ku ta prosesá pa DigiD i pa uso di e DigiD app, pa e kontrol di ID tambe lo prosesá e siguiente datonan personal. 

Pa kontrol di pasport, reibeweis òf sédula:

• number di dokumento
• fecha di nasementu
• valides (fecha di kadukashon di valides, retenshon òf pèrdida inkluso deskripshon)
• Machine Readable Zone (MRZ) di e reibeweis. E MRZ ta un seri di un linia di sifra i lèter riba e parti dilanti di e reibeweis
• e datonan den e chip di e ID. Pa pasport òf sédula: e estado òf e organisashon ku ta emití esaki, nòmber, number di dokumento, nashonalidat, fecha di nasementu, sekso, datonan di valides; pa reibeweis: number di dokumento. 

Método di log in ku sédula/ reibeweis

Bo ta usa e método di log in aki? E ora ei lo prosesá e siguiente datonan personal adishonal:

• kódigo di dokumento ku kua por rekonosé e ID
• number di servisio na siudadano via enkripshon òf den un forma derivá
• un PIN di 5 sifra di e ID

Ora di log in ku un sédula/reibeweis hulandes, bo ta usa e DigiD app riba un aparato mobil ku NFC òf riba un kòmpiuter (Windows òf MacOS) kombiná ku un lesadó di karnèt eksterno.

Sosten di usuario, funshonamentu di e wèpsait, insidente (di seguridat)

Lo prosesá e siguiente datonan pa sosten di usuario, funshon adekuá di e wèpsait i análisis di insidente (di seguridat):

• adrès IP i karakterístikanan di e software i hardware di e aparato ku a usa i ku kua e usuario ta log in
• akshonnan di e usuario (manera datonan tokante log in i tokante apliká, revoká, i aktivá métodonan di log in)
• statistik di bishitante, análisis di trènt i investigashon di fasilidat den uso tokante DigiD
• preguntanan, kehonan i datonan di kontakto (manera nòmber, number di servisio na siudadano, adrès di e-mail i/ òf number di telefòn) di personanan ku ta tuma kontakto ku e hèlpdèsk di DigiD. 

Prevení i para mal uso i uso indebido

Mal uso i uso indebido por konsistí di:

• uso ku ta afektá i violá e seguridat tékniko manera hacking i atakenan DDoS;
• ora otro personanan (ku òf sin pèrmit) hasi uso di identidat digital di un hende pa hasi negoshi kuné serka gobièrnu

Logius ta kombatí mal uso i uso indebido pa garantisá kontinuidat di nos servisio. I pa prevení ku hende ta bira víktima di cybercrime manera phishing. Nos ta hasi esaki den kolaborashon ku dunadónan di servisio públiko. Nos ta tuma kada notifikashon na serio. Ora ta trata di phishing, komo medida di prevenshon nos ta pone tur wèpsait, app i nòmber di dominio (domain name) en kestion offline. Asina e chèns pa kriminalnan bai ku datonan sensitivo ta mas chikí.

Nos ta traha huntu ku nos partnernan di kadena riba investigashonnan ku ta hasi visibel mal uso i uso indebido di nos servisionan. Ora tin indikashonnan di mal uso òf uso indebido di DigiD, Logius por sigui investigá esakinan mas aleu. Ademas, Logius i su partnernan por kompartí datonan mutuamente. A base di e resultadonan di e investigashon, Logius por disidí si medidanan manera suspendé òf revoká DigiD ta nesesario.

Pasobra ora otro personanan tin e datonan di DigiD di un hende, e persona ei por bira víktima di froude di identidat. Den kolaborashon estrecho ku otro organisashonnan di gobièrnu, Logius ta yuda e hendenan ora kos bai robes. Nos ta tuma kontakto ku e usuario i despues ta eliminá e kuenta di DigiD, di moda ku un hende por apliká pa un kuenta nobo. Asina, e persona atrobe ta e úniko ku tin loke ta nesesario pa e regla su asuntunan di forma digital ku gobièrnu.

Tur e datonan menshoná den parti 4 ta kosnan ku por usa den prevenshon i paro di mal uso i uso indebido. Sin embargo, pa e investigashon ta usa solamente e datonan ku ta estriktamente nesesario. Kua datonan eseinan ta, ta varia pa kada situashon.

DigiD ta kompilá statistik den un sistema pa metanan analítiko. E motibu pa hasi esaki ta pa sinkronisá DigiD ainda mas mihó riba e usuario. Pa hasi esei, nan ta hasi uso di un cookie ku un ID di bishitante anónimo. Nan ta usa e ID di bishitante aki serka bishitanan repetitivo, pero no por distinguí ken ta e persona su tras. Ademas, lo registrá un parti di e adrès IP, di moda ku por bira visibel for di kua paisnan e hendenan ta hasi uso di DigiD.

Ta limitá e posibilidat di distinguí kiko ta e adrès Ipv4 original dor di eliminá e último dos grupitonan di sifra di kada adrès IP. Serka Ipv6 esaki ta konta pa e último sinku gruponan. Asina, ya no por distinguí un persona individual tras di e parti ku sobra di e adrès IP. Pues no por papia mas di dato personal.

Pa por hasi uso di DigiD, ta krea asina yamá cookies di seshon asina ku e usuario ta log in. Un cookie di seshon ta nesesario pa uso di DigiD. E cookie di seshon ta disparsé asina ku e usuario ta log out òf ora e seshon kaduká outomátikamente despues di un tempu definí.

Den e DigiD app ta posibel pa paga e software analítiko den e app. Bo por hasi esaki serka e konfigurashonnnan di e DigiD app, bou di e kònòpi ‘Konfigurashonnan’.

Na instansianan (gubernamental) konektá riba DigiD, DigiD ta fasilitá e number di servisio na siudadano i e nivel di outentikashon. Fasilitashon di e number di servisio na siudadano ta tuma lugá di moda ku e instansia (gubernamental) por establesé identidat di e usuario. Fasilitashon di e nivel di outentikashon skohé ta tuma lugá di moda ku e instansia (gubernamental) tin un imágen di e grado te kon leu tin seguridat tokante identidat di e usuario ku a log in.

Pa su sosten di usuario, Logius ta usa partidonan privá pa duna sosten di promé linia. Ademas, Logius ta usa un partido privá pa manda un enkuesta pa un investigashon di satisfakshon di kliente, pa asina por wak si e usuario ta satisfecho ku e yudansa duná.

E partidonan aki, pa Logius ta prosesá datonan personal di usuario ku ta tuma kontakto ku e Hèlpdèsk di DigiD. Ku e partidonan aki a sera kontraktnan di prosesamentu. Pues ora bo tuma kontakto ku e Hèlpdèsk di DigiD, e partidonan aki tambe ta prosesá datonan personal.

Ademas, no ta fasilitá datonan personal na terser partidonan sin pèrmit adelantá i inkonfundibel di e usuario. Eksepshonnan riba esaki ta un obligashon legal pa fasilitá dato (manera e obligashon legal pa fasilitá dato riba petishon na servisionan di investigashon), òf fasilitashon di dato na un órgano di gobièrnu òf un persona hurídiko ku un tarea legal ku ta nesesario pa garantia di seguridat i konfiabilidat di DigiD.

Esaki ta nifiká entre otro ku den kaso di insidente di seguridat, Logius por informá e organisashon(nan) (gubernamental) konektá i fasilitá datonan nesesario. Ku e meta pa prevení i para mal uso i uso indebido di DigiD. Por ehèmpel, ora a usa un DigiD ku no ta seif pa (purba) wak òf kambia datonan personal.

Datonan personal ta almasená den fasilidatnan di ICT ku ta situá riba teritorio hulandes i ku Logius ta atministrá. No ta duna bo datonan personal na paisnan pafó di UO. Ta trata di un sèt di dato personal ku ta konsistí di dato di uso i dato di kuenta.

Mester warda e datonan ku ta prosesá na benefisio di DigiD sigun e términonan legal pa warda ku ta na vigor. E términonan aki ta stipulá pa por duna siudadanonan sierto informashon ora nan pidi pa esaki, i pa kumpli ku e obligashon di kuido di Minister di Asuntunan Interno i Relashon den Reino pa garantisá seguridat i konfiabilidat di DigiD.

E término di warda preskribí por varia pa dato personal, pasobra tin otro aspektonan di seguridat na vigor pa esaki. E término di warda pa DigiD ta varia entre un máksimo di 6 siman i un máksimo di 5 aña. Pa e términonan di warda eksakto bo por wak Artikel 11 Besluit digitale overheid (Desishon gobièrnu digital).

Nos ta prosesá bo datonan personal en relashon ku e metanan definí pa esaki. Respekto e prosesamentu aki bo por ehersé e siguiente derechonan, dor di dirigí bo petishon tokante esaki na DigiD:

• E derecho pa haña sa si nos ta prosesá datonan personal di bo i e derecho pa konsultá bo datonan personal.
• E derecho pa aktualisá bo datonan personal, kompletá nan, òf limitá prosesamentu di nan, teniendo kuenta ku e metanan definí pa esaki.
• E derecho pa eliminá bo datonan personal, por ehèmpel ora e datonan aki no ta nesesario mas pa e metanan definí pa esaki.
• Derecho riba opheshon kontra prosesamentu di bo datonan personal pa motibunan relashonal ku bo situashon spesífiko.

Komo usuario di DigiD bo por kontrolá bo nòmber di usuario, number di telefòn, adrès di e-mail i historia di uso dor di log in riba Mijn DigiD riba e wèpsait di DigiD. Bo mes por kambia e number di telefòn i e adrès di e-mail.

Bo por entregá un petishon dor di yena e formulario di kontakto òf manda un karta (DigiD – PO Box 96810 – 2509 JE Den Haag, bou di menshon di: datonan personal). Pa por kumpli ku e petishon lo pidi bo pa identifiká bo mes.

Despues di risibí bo petishon, via e-mail nos lo informá bo mas pronto posibel, i pa mas tardá denter di un luna, si lo kumpli ku e petishon aki. Si nenga bo petishon, nos lo informá bo por eskrito di e motibunan pa esaki.

Logius ta tuma medidanan tékniko i organisatorio adekuá pa bo datonan personal ta sigurá adekuadamente, entre otro dor di apliká e BIO (Baseline Informatiebeveiliging Overheid, Punto Básiko di Gobièrnu pa Seguridat di Informashon). Komo parti di Gobièrnu Sentral, Logius mester kumpli ku e BIO. Esaki ta e kuadro di norma básiko pa seguridat di informashon den kada lag di gobièrnu (Reino, munisipio, provinsia i waterschap). Esaki ta enserá ku BIO ta kontené medida general di seguridat ku ta aplikabel pa tur informashon.

Bou di seguridat di informashon tambe ta kai e medidanan pa por garantisá konfiabilidat di DigiD. Pa por señalá i terminá mal uso i uso indebido di DigiD, nos ta ehekutá kontrol riba e datonan. Si un kuenta di DigiD ya no ta den mannan seif mas, nos por tuma medidanan adekuá: suspendé òf revoká un DigiD.

Nos ta sòru pa e deklarashon di privasidat ta aktualisá, i semper por kambia e deklarashon di privasidat aki pa e motibu aki. Den e kaso ei, nos lo publiká e deklarashon di privasidat kambiá riba e wèpsait aki, despues di kua e deklarashon di privasidat aki ta na vigor mesora.

Bo por manda bo preguntanan, remarkenan òf sugerensianan pa DigiD via e formulario di kontakto, via telefòn òf dor di skibi un karta dirigí na Logius, PO Box 96810, 2509 JE Den Haag.

Ministerio di BZK tin un funshonario pa protekshon di dato. E funshonario aki ta supervisá kumplimentu interno ku e legislashon di privasidat. Bo por tuma kontakto ku e funshonario aki via postbusfg@minbzk.nl.

E Autoriteit Persoonsgegevens (Outoridat pa Datonan Personal) ta supervishon eksterno riba kumplimentu ku legislashon di privasidat. Bo tin derecho pa entregá un keho tokante Logius serka e outoridat. Komuniká bo keho via e wèpsait di e Outoridat Datonan Personal òf yama 088 – 180 52 50.

E Minister di Asuntunan Interno i Relashon den Reino ta responsabel pa prosesamentu di datonan personal pa DigiD Outorisá. Logius ta ehekutá e maneho di DigiD. Logius ta parti di e Ministerio di Asuntunan Interno i Relashon den Reino i ta atministrá fasilidatnan di ICT den henter gobièrnu.  

DigiD Outorisá ta prosesá datonan personal pa diferente meta, esta

• aplikashon i/ òf aktivashon di un outorisashon (registrá)
• uso di DigiD Outorisá
• fasilitashon di datonan personal na organisashonnan (gubernamental) ku ta hasi uso di DigiD Outorisá pa nan servisio
• pèrkurá pa seguridat di informashon i konfiabilidat di DigiD Outorisá, inkluso kombate di mal uso i uso indebido di DigiD Outorisá, i análisis di insidente (di seguridat)
• manda un notifikashon di e status di e outorisashon
• sosten di usuario, inkluso trato di pregunta i keho di usuario
• fasilitashon di datonan personal a base di un obligashon legal.

E base pa prosesamentu di datonan personal ta e Besluit digitale overheid (Desishon gobièrnu digital), ku ta basá riba e Wet digitale overheid (Lei gobièrnu digital).

Bij de aanvraag om een machtiging te registreren in DigiD Machtigen worden de volgende persoonsgegevens verwerkt:

• burgerservicenummer;
• naam;
• adres;
• postcode;
• woonplaats;
• e-mailadres (optioneel);
• geboortedatum van de persoon die vertegenwoordigd wordt;
• burgerservicenummer van degene die de registratie aanvraagt.

Gebruik van DigiD Machtigen

Bij het gebruik van DigiD Machtigen worden de volgende persoonsgegevens verwerkt:

• e-mailadres (optioneel);
• burgerservicenummer van de persoon die vertegenwoordigd wordt;
• burgerservicenummer van de gemachtigde.

Gebruikersondersteuning, werking website, (beveiligings)incidenten

De volgende gegevens worden verwerkt voor gebruikersondersteuning, de adequate werking van de website en de analyse van (beveiligings)incidenten: •

• IP-adres en kenmerken van de gebruikte software en hardware van het apparaat waarmee de gebruiker inlogt;
• handelingen van de gebruiker (zoals gegevens over inloggen en over het aanvragen, intrekken of activeren van machtigingen);
• bezoekersstatistieken, trendanalyse en usability onderzoek inzake DigiD Machtigen;
• vragen, klachten en contactgegevens (zoals naam, e-mailadres en/of telefoonnummer) van personen die contact opnemen met de DigiD helpdesk.

Voorkomen en beëindigen van misbruik en oneigenlijk gebruik

Misbruik en oneigenlijk gebruik kan bestaan uit:

• aantastingen van en inbreuken op de technische beveiliging zoals hacken en DDoS-aanvallen;
• als anderen (met of zonder toestemming) iemands digitale identiteit gebruiken om er zaken mee te doen bij de overheid

Logius bestrijdt misbruik en oneigenlijk gebruik om de continuïteit van onze dienstverlening te waarborgen. En om te voorkomen dat mensen de dupe worden van cybercrime zoals phishing. Wij doen dit in samenwerking met publieke dienstverleners. We nemen elke melding serieus. Als het om phishing gaat, halen we uit voorzorg de betreffende websites, apps en domeinnamen offline. Hierdoor is de kans dat criminelen er met gevoelige gegevens vandoor gaan kleiner.

Met onze ketenpartners werken we mee aan onderzoeken die mogelijk misbruik en oneigenlijk gebruik van onze diensten in kaart brengen. Als er aanwijzingen zijn van misbruik of oneigenlijk gebruik van DigiD Machtigen mag Logius deze verder onderzoeken. Daarbij mogen Logius en haar partners onderling gegevens delen. Op basis van de uitkomsten van het onderzoek kan Logius besluiten of er maatregelen nodig zijn zoals het opschorten of intrekken van de machtiging in DigiD Machtigen.

Alle in onderdeel 4 genoemde gegevens kunnen worden gebruikt bij het voorkomen en beëindigen van misbruik en oneigenlijk gebruik. Voor het onderzoek worden echter alleen de hoogstnoodzakelijke gegevens gebruikt. Welke gegevens dat zijn, varieert per situatie.

DigiD Outorisá ta kompilá statistik den un sistema pa metanan analítiko. Nan ta hasi esaki pa sinkronisá DigiD Outorisá ainda mas mihó riba e usuario. Pa hasi esei, nan ta hasi uso di un cookie ku un ID di bishitante anónimo. Nan ta usa e ID di bishitante aki serka bishitanan repetitivo, pero e no ta distinguí e persona tras di esaki. Ademas, lo registrá un parti di e adrès IP, di moda ku por bira visibel for di kua paisnan e hendenan ta hasi uso di DigiD Outorisá. Ta limitá e posibilidat pa distinguí e adrès Ipv4 original dor di eliminá e último dos grupitonan di sifra di kada adrès IP. Serka Ipv6 esaki ta konta pa e último sinku gruponan. Asina, ya no por distinguí un persona individual tras di e parti ku sobra di e adrès IP. Pues no por papia mas di dato personal.

Pa por hasi uso di DigiD Outorisá, ta traha asina yamá cookies di seshon asina ku e usuario ta log in. Un cookie di seshon ta nesesario pa uso di e wèpsait di DigiD Outorisá. E cookie di seshon ta disparsé asina ku e usuario ta log out òf ora e seshon kaduká outomátikamente despues di un tempu definí.

Na instansianan (gubernamental) konektá riba DigiD Outorisá, DigiD Outorisá ta fasilitá un prueba di valides di un registrashon di outorisashon spesífiko. Den e prueba aki a inkluí e numbernan di servisio na siudadano di e persona representá i di e persona outorisá. Riba petishon, DigiD Outorisá tambe ta fasilitá un organisashon (gubernamental) konektá ku un bista general di tur petishon pa outorisashon i registrashon di outorisashon duná pa e servisionan di e organisashon (gubernamental) aki.

Pa su sosten di usuario, Logius ta hasi uso di partidonan privá ku su oferta di sosten di promé linia. Ademas Logius ta hasi uso di un partido privá pa manda un enkuesta pa un investigashon di satisfakshon di kliente, pa asina por wak si e usuario ta satisfecho ku e sosten ofresé.

E partidonan aki na benefisio di Logius ta prosesá datonan personal di usuarionan ku ta tuma kontakto ku e hèlpdèsk di DigiD. A sera kontraktnan di prosesamentu ku e partidonan aki. Pues ora bo tuma kontakto ku e hèlpdèsk di DigiD, e partidonan aki ta prosesá e datonan personal tambe.

Ademas lo no fasilitá datonan personal na terser partido sin pèrmit adelantá inkonfundibel di e usuario. E eksepshonnan riba esaki ta un obligashon legal pa fasilitá dato (manera e obligashon legal pa fasilitá dato riba petishon na servisionan di investigashon), òf fasilitashon di dato na un órgano di gobièrnu òf persona hurídiko ku un tarea legal ku ta nesesario pa garantia di seguridat i konfiabilidat di DigiD Outorisá.

Esaki ta nifiká entre otro ku den kaso di insidente di seguridat, Logius por informá e organisashon(nan) (gubernamental) konektá i fasilitá datonan nesesario. Ku e meta pa prevení i para mal uso i uso indebido di DigiD Outorisá. Por ehèmpel, ora a usa un outorisashon via DigiD ku no ta seif pa (purba) wak òf kambia datonan personal.

Datonan personal ta almasená den fasilidatnan di ICT ku ta situá den teritorio hulandes i ku Logius ta atministrá. No ta duna bo datonan personal na paisnan pafó di UO. Ta trata di un sèt di dato personal ku ta konsistí di dato di uso i dato di kuenta.

Mester warda e datonan ku ta prosesá na benefisio di DigiD sigun e términonan legal pa warda ku ta na vigor. E términonan aki ta stipulá pa por duna siudadanonan sierto informashon ora nan pidi esaki. Tambe, pa kumpli ku e obligashon di kuido di Minister di Asuntunan Interno i Relashon den Reino pa garantisá seguridat i konfiabilidat di DigiD Outorisá.

E término di warda preskribí por varia pa dato personal, pasobra tin otro aspektonan di seguridat na vigor pa esaki. E término di warda pa DigiD Outorisá ta varia entre un máksimo di 6 siman i un máksimo di 5 aña. Pa e términonan di warda eksakto bo por wak den artíkulo 12 di e Besluit verwerking persoonsgegevens generieke digitale infrastructuur. (Desishon prosesamentu datonan personal infrastruktura digital genériko).

Nos ta prosesá bo datonan personal en relashon ku e metanan definí pa esaki. Respekto e prosesamentu aki bo por ehersé e siguiente derechonan, dor di dirigí bo petishon tokante esaki na DigiD:

• E derecho pa haña sa si nos ta prosesá datonan personal di bo i e derecho pa konsultá bo datonan personal.
• E derecho pa koregí i kompletá bo datonan personal, òf pa ilimitá prosesamentu di nan, teniendo kuenta ku e metanan definí pa esaki.
• E derecho pa eliminá bo datonan personal, por ehèmpel ora e datonan aki no ta nesesario mas pa e metanan definí pa esaki.
• Derecho riba opheshon kontra prosesamentu di bo datonan personal pa motibunan relashoná ku bo situashon spesífiko.

Komo usuario di DigiD Outorisá, dor di log in serka DigiD Outorisá bo por wak kua akshonnan abo òf e persona ku ta representá bo o sea ku bo a outorisá a hasi.

Bo por entregá un petishon dor di yena e formulario di kontakto òf manda un karta (pa DigiD Outorisá – PO Box 96810 – 2509 JE Den Haag, bou di menshon di: datonan personal). Pa por kumpli ku e petishon lo pidi bo pa identifiká bo mes. 

Despues di risibí bo petishon, via e-mail nos lo informá bo mas pronto posibel, i pa mas tardá denter di un luna, si lo kumpli ku e petishon aki. Si nenga bo petishon, nos lo informá bo por eskrito di e motibunan pa esaki.

Logius ta tuma medidanan tékniko i organisatorio adekuá pa bo datonan personal ta sigurá adekuadamente, entre otro dor di apliká e Baseline Informatiebeveiliging Overheid (BIO). Komo parti di Gobièrnu Sentral, Logius mester kumpli ku e BIO. Esaki ta e kuadro di norma básiko pa seguridat di informashon den kada lag di gobièrnu (Reino, munisipio, provinsia i waterschap (organisashon gubernamental pa atministrashon de awa públiko). Esaki ta enserá ku BIO ta kontené medida general di seguridat ku ta aplikabel pa tur informashon.

Bou di seguridat di informashon tambe ta kai e medidanan pa por garantisá konfiabilidat di DigiD Outorisá. Pa por señalá i terminá mal uso i uso indebido den DigiD Outorisá, nos ta ehekutá kontrol riba e datonan. Si un outorisashon den DigiD Outorisá ya no ta den mannan seif mas, nos por tuma medidanan adekuá.

Nos ta sòru pa e deklarashon di privasidat ta aktualisá, i semper por kambia e deklarashon di privasidat aki pa e motibu aki. Den e kaso ei, nos lo publiká e deklarashon di privasidat kambiá riba e wèpsait aki, despues di kua e deklarashon di privasidat aki ta na vigor mesora.

Bo por manda bo preguntanan, remarkenan òf sugerensianan pa DigiD Outorisá via e formulario di kontakto, via telefòn òf dor di skibi un karta dirigí na PO Box 96810, 2509 JE Den Haag.

Ministerio di BZK tin un funshonario pa protekshon di dato. E funshonario aki ta supervisá internamente si ta kumpli ku legislashon di privasidat. Bo por tuma kontakto ku e funshonario aki via postbusfg@minbzk.nl.

E Autoriteit Persoonsgegevens (Outoridat pa Datonan Personal) ta supervisá kumplimentu eksternamente si ta kumpli ku legislashon di privasidat. Bo tin derecho pa entregá un keho tokante Logius. Komuniká bo keho via e wèpsait di e Outoridat Datonan Personal òf yama +3188 180 52 50.