A risibí kódigo

Bo a risibí un kódigo? Por ehèmpel pa rekuperá bo password òf pa aktivá bo DigiD? Riba e página aki bo ta lesa kiko bo mester hasi.

Introdusí kódigo di aktivashon

Bo a apliká pa bo DigiD, òf bo a apliká pa kontrol di sms? E ora ei, denter di 3 dia di trabou bo ta risibí un karta ku un kódigo di aktivashon. Kopia e kódigo aki literalmente for di e karta. E kódigo di aktivashon semper ta kuminsá ku un ‘A’.

Yena e kódigo di aktivashon

No tin DigiD ainda

Bo no tin DigiD ainda? E ora ei apliká pa un DigiD promé.

Lesa mas tokante apliká pa un DigiD

Introdusí kódigo di rekuperashon di password

Bo ke konfigurá un password nobo i bo a risibí un karta òf un e-mail ku un kódigo di rekuperashon?

Introdusí e kódigo di rekuperashon

Bo ke rekuperá bo password mas lihé di awor padilanti? Agregá bo adrès di e-mail i bo kontrol di sms na bo DigiD. E ora ei bo por rekuperá bo password mesora.

Introdusí kódigo di kontrol di e-mail

Bo ke agregá bo adrès di e-mail na bo DigiD, i bo a risibí un kódigo di kontrol di e-mail? Log in riba Mi DigiD i e ora ei introdusí e kódigo di kontrol di e-mail, e kódigo aki semper ta kuminsá ku un ‘E’.

Introdusí e kódigo di outorisashon

Mi ke yudansa

Bo ke yudansa ku reglamentu di bo asuntunan di forma digital i bo a risibí un kódigo di outorisashon? Duna e kódigo aki i bo number di servisio na siudadano (BSN) e ora ei na e persona ku ta bai yuda bo.

Mi ta yuda un otro hende

Bo ke yuda un hende i bo a risibí un kódigo di outorisashon i e number di servisio na siudadano (BSN) di e persona ei? E ora ei bo por aktivá e outorisashon ku e kódigo aki. Log in ku bo DigiD i introdusí e kódigo i e number di servisio na siudadano di e persona ku ta bai yuda bo.

Introdusí e kódigo di outorisashon riba e wèpsait DigiD Outorisá

No ta bai bon

No ta aseptá kódigo

Kisas bo a yena un kódigo di kontrol robes.

Kódigo via e-mail: e kódigo aki semper ta kuminsá ku un ‘E’.
Kódigo via sms: e kódigo aki ta konsistí di 6 sifra.
Kódigo di aktivashon: kopia e kódigo aki literalmente for di e karta ku bo ta risibí di DigiD. E kódigo aki semper ta kuminsá ku un ‘A’.

Paga tinu, usa e último kódigo ku bo a risibí. Kontrolá e fecha riba e karta pa esaki. Último frase abou.

No a risibí e kódigo di sms

Bo no ta haña un kódigo di sms pa DigiD? Por tin diferente motibu pa esaki.

No a konfigurá kontrol di sms

Bo no a konfigurá kontrol di sms riba bo DigiD.

E Solushon: apliká pa e kontrol di sms den Mi DigiD.

Number di telefòn robes den DigiD

Bo a agregá un number di telefòn ku a kaduká òf un number robes na bo DigiD.Kontrolá e number di telefòn ora di log in. E pantaya di log in ta mustra e último 3 sifranan di e number di telefòn.

E Solushon: Kambia bo number di telefòn den Mi DigiD.

Bo no por risibí avisonan di servisio

Kontrolá si bo telefòn (selular) tin sufisiente alkanse.
Eventualmente, deskonektá bo telefòn (selular) un ratu.
Bolbe sende bo telefòn (selular), di moda ku esaki ta bolbe hasi kontakto ku e ret selular di bo distribuidó di telefòn.
Bai un lugá kaminda sí bo tin sufisiente alkanse.

Wak riba e wèpsait di bo distribuidó di telefòn si tin interupshon. Esaki no ta yuda? Tuma kontakto ku bo distribuidó di telefòn. Tambe duna e fecha i e momentu ku mester a risibí e kódigo di sms. E ora ei bo distribuidó di telefòn por hasi investigashon dirigí. Tambe tuma kontakto ku bo distribuidó di telefòn si bo a kaba di kambia di distribuidó di telefòn.

Risibí yamada

Te ainda no ta bai bon?

Den e pantaya di log in di DigiD, skohe No a risibí kódigo.
Skohe Yama mi ku un sms verbal.

E ora ei lo yama bo ku un sms verbal. Hopi biaha esaki sí ta traha.

main.content