Froude òf mal uso

Bo ta kere ku un hende tin bo datonan di log in, òf nan a hòrta bo telefòn ku e DigiD app? Aktua mesora.

Ku bo datonan di log in, un hende por kambia number di bo kuenta di banko serka Ofisina di Impuesto por ehèmpel òf wak datonan personal den MijnOverheid (Mi Gobièrnu). Esaki por tin konsekuensianan malu.

Situashonnan peligroso

un otro hende tin bo datonan di log in
malware (vírus) riba bo aparato
datonan di DigiD yená riba un wèpsait falsu (phishing)

Bo ta kere ku bo ta víktima di esaki? Por ehèmpel ora bo a klek riba un link òf a skèn un kódigo QR den un aviso falsu. Sigui e pasonan akibou e ora ei, i tuma kontakto ku e hèlpdèsk kontra froude.

Bishitá e wèpsait di e hèlpdèsk kontra froude

Paga tinu, bo a yena bo datonan di banko? Tuma kontakto ku bo banko e ora ei.

Paso 1: kambia bo password di DigiD

Bo por log in ainda? Kambia bo password mesora via Mi DigiD. Bo no por kambia bo password? Yama e wèpsait di DigiD e ora ei via 088 123 65 55.

Paso 2: kontrolá e historia di uso

Kontrolá si un otro hende a log in ku bo DigiD. Bo por wak esaki den e historia di uso di bo DigiD. Wak bo historia di uso via e siguiente pasonan:

Bishitá e wèpsait di DigiD.
Log in serka Mi DigiD.
Skohe Historia di uso.

Kontrolá

Kontrolá e siguiente: bo ta wak ku a log in serka un organisashon (por ehèmpel Ofisina di Impuesto) riba un fecha i un tempu ku bo no a log in? E ora ei ta posibel ku un otro hende a pidi òf kambia kos den bo nòmber.

Tin algu ku no ta klòp

Tuma kontakto ku e hèlpdèsk di DigiD i e organisashon kaminda a log in. Huntu nan lo kontrolá si tin kosnan ku a kambia.

A hòrta e telefòn ku e DigiD app

Desaktivá e DigiD app riba e aparato ku nan a hòrta. Bo por hasi esaki den bo kuenta personal Mijn DigiD. Bo a desaktivá e app riba e aparato ku nan a hòrta? E ora ei no ta posibel mas pa usa e DigiD app riba e aparato ei di un manera seif. E ora ei bo por instalá e app atrobe di un forma seif riba bo telefòn òf bo tablet nobo.

Realmente a kometé froude?

Mèldu froude mesora i hasi un denunsia serka polis. Purba rekohé mas tantu komprobante posibel pa e denunsia.

Bo ta víktima di froude di identidat? Mèldu esaki tambe e ora ei serka e Centraal Meldpunt Identiteitsfraude (CMI, Punto di Notifikashon Sentral di Froude di Identidat). CMI ta duna sosten i ta konsehá bo kiko bo mester hasi ora bo ta víktima di froude di identidat.

Lesa mas tokante CMI riba e wèpsait di Gobièrnu Sentral

main.content