Aktivá DigiD

Aktivá kuenta di DigiD 

• Bishitá digid.nl/activeer_digid òf klek riba e boton akibou.
• Yena o nòmber di usuario i bo password.
• Yena e kódigo di sms eventualmente.
• Yena bo kódigo di aktivashon.

Introdusí kódigo di aktivashon

Kontrolá si bo ta yena e siguiente datonan korektamente:

• nòmber di usuario i password
• PIN (ora ta apliká via e DigiD app)
• kódigo di aktivashon 

Ora di introdusí, paga tinu tambe na e diferensia entre sifra i lèter. Manera entre ‘S’ i ‘5’, ‘Z’ i ‘2’, ‘B’ i ‘8’, òf ‘O’ i ‘0’.

Bo ta risibí e karta ku e kódigo di aktivashon na e adrès ku bo ta inskribí riba dje den e Base di Datonan Personal (BRP). Tene kuenta ku lo siguiente:

• 5 dia di trabou: bo ta haña bo karta denter di 5 dia di trabou. Laga e 5 dianan di trabou aki pasa.
• ènvelòp blanku: bo kódigo di aktivashon ta bin den un ènvelòp blanku.
• mudansa: bo a kaba di muda? Kisas ainda bo tabata registrá riba bo adrès bieu ora bo a apliká pa DigiD. E ora ei a manda e karta pa bo adrès bieu.
• retraso: kisas tin problema òf tin retraso ku distribushon di pòst. 

Apliká pa un kódigo di aktivashon nobo

Bo no a risibí un kódigo di aktivashon, òf bo a pèrdè e kódigo di aktivashon? E ora ei bo por apliká pa un kódigo di aktivashon nobo.

Via e DigiD app

• Habri e DigiD app.
• Klek riba ‘Apliká pa karta nobo’.

Via e wèpsait aki

• Bishitá www.digid.nl.
• Klek riba ‘Apliká pa’ òf ‘Aktivá’.
• Klek riba ‘Introdusí Kódigo di Aktivashon’.
• Yena bo nòmber di usuario i bo password. 

Bo a apliká pa DigiD ku kontrol di sms? E ora ei, yena e kódigo di sms ku bo a risibí.

• Klek riba e link ‘Mi no a risibí un karta’.

Bo ta risibí e kódigo di aktivashon nobo denter di 3 dia di trabou ku pòst. E kódigo di aktivashon atrobe ta bálido pa 21 dia.

Apliká pa un DigiD nobo

Bo a pèrdè e kódigo di aktivashon nobo ku a manda, òf bo no a risibí e kódigo aki tampoko? E ora ei bo mester apliká pa un DigiD nobo. Denter di 3 dia di trabou e ora ei bo ta haña un karta ku un kódigo di aktivashon nobo. 

 Apliká pa DigiD di nobo

Atrobe bo ta keda sin risibí un karta? Tuma kontakto e ora ei ku e Hèlpdèsk di DigiD.

Ora di introdusí e kódigo di aktivashon, paga tinu na e diferensia entre sifra i lèter. Por ehèmpel: ‘S’ i ‘5’, ‘Z’ i ‘2’, ‘B’ i ‘8’, òf ‘O’ i ‘0’. Bo kódigo ketu bai no ta klòp? Esei por tin vários kousa.

A usa un kódigo robes

Bo a hasi vários aplikashon pa DigiD? E ora ei kisas bo no a usa e último kódigo di aktivashon ku bo a risibí. DigiD tambe ta manda bo kódigo via e-mail òf via sms.Esakinan no ta kódigo ku kua bo por aktivá bo DigiD.

A yena un kódigo robes 3 biaha

Bo a yena un kódigo robes 3 biaha? E ora ei lo para bo petishon pa motibu di seguridat.

A yena e kódigo na un lugá robes

Bo kódigo di aktivashon no ta meskos ku bo password. Bo ke aktivá bo DigiD? E ora ei bo mester yena bo nòmber di usuario i bo password promé. Bo mes a skohe bo password ora di hasi bo aplikashon.

E kódigo di aktivashon a kaduká

Bo kódigo di aktivashon ta kaduká despues di 21 dia.

Lubidá nòmber di usuario

Bo a lubidá bo nòmber di usuario òf bo ke kambia bo nòmber di usuario? Si bo ta hasi uso kaba di e DigiD app, bo por log in ku e app den Mi DigiD. Aki bo por buska bo nòmber di usuario. Si bo no tin un DigiD app aktivá, bo mester apliká pa un DigiD nobo. E ora ei bo ta haña un nòmber di usuario nobo. Pues kòrda esaki bon.

Kambia nòmber di usuario

No ta posibel pa kambia bo nòmber di usuario. 

Paga tinu: bo nòmber di usuario ta privá. P’esei e hèlpdèsk no por buska esaki pa bo. 

DigiD no aktivá

Bo a lubidá bo password i bo no a aktivá bo DigiD ainda? E ora ei, lástimamente bo mester apliká pa un DigiD nobo.

Apliká pa un DigiD nobo

DigiD aktivá 

Videonan: 

• Wak e video di rekuperá password via e-mail i sms
• Wak e video di rekuperá password via karta

Bo ta preferá lesa kiko bo mester hasi? Skohe entre e linknan akibou. Bo por rekuperá bo password via:

• e DigiD app (aktivá)
• e-mail í sms (a agregá bo adrès di e-mail i bo number di telefòn na bo DigiD)d)
• karta