Pa realisá esei, nos ta traha nos wèpsaitnan i nos appnan sigun e eksigensianan pa aksesibilidat digital.
main.content
Aksesibilidat di DigiD
DigiD mester ta aksesibel i fásil di usa pa tur hende. Sea ku esaki ta via un kòmpiuter, un tablet òf un telefòn selular. Tambe pa hende ku tin problema ku bista, òf ku ta siegu òf surdu.
Kon DigiD ta traha riba aksesibilidat?
Ora nos ta trahando riba wèpsait i DigiD app, nos ta kontrolá si esakinan ta aksesibel. Ademas, nos ta laga un empresa eksperto tèst esaki regularmente. Nos ta kontrolá e siguiente asuntunan:
- Software lesá na bos haltu: mester lesa e páginanan i e imágennan ku software lesá na bos haltu di forma kla.
- Bon funshon: e wèpsait i e appnan tur ta traha bon riba tur aparato ku e browsernan standard (Firefox, Chrome, Edge i Safari).
- Videonan: e videonan tin suptítulo i tin un teksto skibi.
- Hasi mas grandi: ora hasi e tekstonan 400% mas grandi, ainda por lesa e wèpsaitnan bon.
- Idioma fásil: e tekstonan ta skibi den un idioma kla i simpel.
- E tekla di tab: ta fásil pa operá e wèpsait ku e tekla di tab riba e teklad.
- Tèstnan di usuario: a hasi e tèstnan di usuario ku un grupo diverso di usuario, inkluso hendenan ku no por tende, wak òf lesa bon.
Deklarashonnan di aksesibilidat
Nos tin e obligashon di mustra kon aksesibel nos wèpsaitnan i appnan ta. Nos ta hasi esaki dor di traha deklarashonnan di aksesibilidat pa tur wèpsait i app i pone esakinan riba e wèpsait. Den e deklarashon tin pará:
- kiko ta e eksigensianan ku e wèpsait i e appnan ta kumpli kuné kaba
- kua medidanan nos ta tuma pa kumpli ku tur eksigensia.
E deklarashonnan aki semper ta aktualisá i por haña nan den e registro di deklarashonnan di aksesibilidat.
Deklarashonnan di aksesibilidat di DigiD
Kontakto
Bo tin problema ku aksesibilidat di DigiD, òf bo tin tep? Manda nan pa nos via nos formulario di kontakto. Esaki ta yuda nos pa sigui mehorá DigiD.